Музей прыроды Бярэзінскага біясфернага запаведніка

Гэта адна з найстарэйшых ахоўных тэрыторый Еўропы, якая захавалася практычна ў першапачатковым выглядзе і адзінае месца ў Еўропе, дзе на адной кампактнай тэрыторыі ў дзікіх умовах жыве «Вялікая еўрапейская пяцёрка» буйных млекакормячых — лось, зубр, мядзведзь, воўк і рысь. Тут жыве трэцяя частка беларускай папуляцыі мядзведзя. Экалагічныя маршруты і сцежкі праходзяць па ўсіх прыродных комплексах запаведніка: лясах, лугах, балотах, рэках і азёрах. На тэрыторыі біясфернага запаведніка размешчаны музей прыроды, дом экалагічнай асветы. А для зручнасці і камфорту турыстаў гасцінічныя комплексы, гасцявыя домікі, рэстараны, бары, банкетныя залы.

Асноўная задача работнікаў Бярэзінскага запаведніка-захаваць своеасаблівы лясны масіў, данесці да будучых пакаленняў непаўторную прыгажосць роднай прыроды. Музей прыроды адлюстроўвае ў мініяцюры ўсе славутасці гэтага выдатнага кутка прыроды паўночнай Беларусі.